Te Whānau O Te Uru Karaka O Newton Central

Etahi o ngā waiata i waiatatia e mātou

Tēnei Au

Tēnei au tēnei au
Ko te hokai nei i taku tapuwae
Ko te hokai nuku, ko te hokai rangi
Ko te hokai a to tupuna
a Tane-nui-a-Rangi
I pikitia ai ki nga rangi tuhaha
ki te tihi o Manono
I rokohina atu ra ko Io-matua-kore anake
I riro iho ai nga kete o te wananga
Ko te kete tuauri, ko te kete tuatea
Ko te kete aronui, ka tiriritiria
Ka poupoua ki a Papatuanuku
Ka puta te ira tangata ki te whei ao
Ki te ao marama
Hui e taiki e !

Whakaaria Mai

Whakaaria mai tou ripeka ki au
Tiaho mai ra roto i te po
Hei konei au titiro atu ai
Ora, mate, hei au koe noho ai
Whakaaria mai tou ripeka ki au
Tiaho mai ra roto i te po
Hei konei au titiro atu ai
Ora, mate, hei au koe noho ai

AIO

A I O ki te aorangi
Aroha ki te aorangi
Koa koa koa ki te aorangi
Pono ki te aorangi
A I O ki te aorangi

E Ihowa

E Ihowa whakarongo mai ki te tangi o te iwi e
Awhinatia mai ra tatou e huihui nei
Tae noa ki te mutunga e Ihowa
Whakamoemiti ki te Atua i nga wa katoa
Ko ia ra te huarahi te pono te oranga

Kotahi Kapua

Kotahi kapua ki te rangi
He marangai ki te whenua
Kotahi kapua ki te rangi
He marangai ki te whenua
Ka whiti te ra ki tua
Ko Kahurangi
E kore koe e ngaro
toku reo rangatira
toku reo rangatira

E noho e ata
E noho e ata te hiri o Waikato
E huri tō kanohi ki te hauauru
nga tai e ngunguru i waho te akau
Aue hei aue, aue hei aue

Tō pikitanga ko te ao o te rangi
to heketanga ko Karioi maunga
to hoe nga waka ki Whaingaroa
Aue hei aue, aue hei aue

Takahia atu ra te moana Aotea
kia whatiwhati koe i te hua o te miro
te tihi o Moerangi te puke Okiokionga
Aue hei aue, aue hei aue

Piua ō mata ki Kawhia moana
ki Kawhia kai ki Kawhia tangata
Ko te kupu tena a o tupuna
Aue hei aue, aue hei aue

E hoe tō waka ki Ngaruawahia
Turangawaewae mo te ao katoa
te tongi whakamutunga a Matutaera
Aue hei aue, aue hei aue

Tāiri te aroha i a haha
Toro mai o ringa me aroha taua
Aue hikitia aue hapaingia
Aue hei aue, aue hei aue

Nga Puawaitanga O Nga Puhi

Whakarongo mai ki te reo e tangi nei
E ringihia mai ana
Mai aku kamo, nga roimata e
Whiti mai te ra
Ngaro ana te mamae
Ngaro noa te pouri
Kaua e mau riri
Anei ano he ra

Maranga mai e te iwi
O nga hapu o Nga Puhi
Kia mau kia u kia pupuritia
Ki nga akoranga nui

Takahia te reo ka kitea te iwi
E tutangata mai tatou
Nga uri o ratou
Kua mene ki te po, tenei te mihi
Ki nga kai awhina e
Ki nga whaea nga hua
E puawai ana mai

Nga Iwi E

Nga iwi e, nga iwi e
Kia kotahi ra Te moana nui a Kiwa ) x2
E-I-A-I-E x2
Kia mau ra , kia mau ra
Ki te mana motuhake me te aroha ) x2
E-I-A-I-E x2
Wahine ma, wahine ma
Maranga mai maranga mai kia kaha ) x2
E-I-A-I-E x2
Tane ma, tane ma
Whakarongo tautoko kia kaha ) x 2
E-I-A-I-E x2